ياأهل مصر الطيبين.

ياأهل مصر الطيبين:

رغم كل الأيمانات اللى أقسمتهابالايام والليالى ..

بألا أتحدث فى الهرج والمرج والوضع السياسى الحالى.

إلا إننى بتصعب على بلدى قوى..

 دى برده مقامها فى القلب غالى..

لما بشوف كم الفراغ العقلى..

 والشتت اللى فيه الناس الفترة دى والكل بيلالى.

ياأهل مصر الطيبين:

أنا لا من ..

الفلول ولا الإخوان ولا شيوعى ولا من العلمانيين؛ 

أنا مصرى من أب وأم ولى أخت وأخوات كلهم مصريين.

بنحب التراب اللى منه إتخلقنا واللى إليه كلنا راجعين.

ورفضنا كلنا نسيب البلد لما الحال فيها بقا طين.

وبنحبها حتى النخاع وماتسألوش ايه النخاع خلينا ساكتين.

إحنا لما طالبنا بسقوط النظام فى25 يناير من تلات سنين.

ماكناش بنسقط مبارك والا الجيش والا الاحزاب التايهيين.

إحنا كنا بنطالب بسقوط نظام فاسد بكل مافيه من تشوهات السنين.

وطالبنا بحرية وكرامة وعدالة ومساوة بين مسلمين ومسيحين.

وكنا فى اليوم ده شعب مايقدر عليه قادر..طبعا بنصرة من رب العالمين.

عشان كان الهدف عندنا سامى..

 ومش شايفين النوايا الخبيثة والمندسين.

ودارت الايام واتقسمنا والنوايا بقت مابين وبين.

بين ناس لسه بتدور على مصلحة الوطن والمواطنين .

وناس مش شايفة غير المناصب والمصالح واتحالفت مع الشياطين. 

وعشان كده لازم من وقفة قويةنطرد بيها الابلسه الملاعيين.

وكل من تسول له نفسه يقسم بلادنا بين اهل شمال واهل يمين.

او يحاول يخلى فى فرق بين مسيحيين ومسلمين.

كفاية فرقة بقا وكفاية تعبنا ياعالم من كتر الانتهازيين.

لا فى الاسلام اللى بيحصل ده ولا فى التوارة ولا الانجيل ولافى اى دين.

ياناس دى مصر اللى التاريخ كتب فيها ماكتب ولسه ماخلصش تدوين.

وأخيرا بقولها:

ملعون أبو خاش كل اللى يفكر..

يسيبـها..

أو ..

يفسدها..

أو ..

يقسمها..

إحنا هنا له..

بالمرصاد قاعدين.

إفهمنى شكراً.

أبوحمزه

007

MZ

28-12-2013