دقت أجراس الخطر

دقت أجراس الخطر

ودقت أجراس الخطر ..

والمصيبة إن الكل..

لدوى الحن سامع.

مش محتاجة..

حد يفهم خريطة..

ولانقرا نوتة ..

دى بسيطة..

بس فى كتير..

خاين وطامع.

والكلام مكتوب..

بالعربى فى الملحمة..

يعنى مش محتاج ترجمة..

بس اللى بيقرا ويفهم..

لغيره خانع.

ياناس فضوا المولدبقا..

دى الولى طلع مش ولى؛

أتريه مركب دقن فوللى..

واللى فى القلب ..

كله مطامع.

قالوا إن عصر مصر..

ولى وإنحسر..

واللى يصدقهم..

هو اللى إنكسر..

نجم مصر ..

فى السما طالع.

أصل دى بلد ..

أعظم من ألف بلد ..

ذكرها ربنا..

فى كتبه من غير عدد..

ومقدسة..

فى كنايس ومعابد وجوامع.

بلاش تدوروا ..

على عنترة..

وكفاية فرقة وبعترة..

شعبنا من ربنا..

هو الحارس ..

وللعدا قامع.

مش عايزين..

ندور على أب..

ده اللقيط مهما جابولوا ..

أم وأب..

يفضل للعار راضع.

وإحنا مش شعب لقيط..

ولا حايحكمنا يوم عبيط..

أحنا اللى علمنا ..

العالم يكتبوا على الحيط..

وذكرنا فى التاريخ..

مكتوب ساطع.

يبقا بعد كل دى حكاوى..

مش لاقين صوت..

يسمعنا الغناوى..

صوت وطن..

بدقة فاس..

وقلم وكراس..

وطلقة مدفع..

تهز المسامع.

والله عيب..

والف مليون عيب؛

لما يبقا..

تسعين مليون..

بيدورا على نابليون..

يمسح من العيون..

الحزن ويطبطب ..

على المواجع.

إفهمنى شكراً.

أبوحمزه

007

MZ