لحظة مخاض

لحظة مخـــــــــــــــــــــاض

ياولدى:

أنا أبوك وده خالك..

ومعايا عمك؛

أطلع تعالى..

ده إحنا ياما ..

شوفنا أيام زبالة؛

مستنيينك من زمن؛

عايزيين نضمك.

انت الأمل وبكره إنت؛

ياترى جاى صبى؟؟

تفرح عنينا؟؟

والا مسخ حاتفرج..

الناس علينا؟؟

والا داهية لا تطلع..

زى اللى فات؛

واللى من أعملنا..

كان ربنا بيه بالينا.

رد علينا ولا يهمك.

مستنيين نفرح..

بـــــــــ(نــــــور).

يرجعلنا يوم العبور.

وبكره كل اللى فاسد يغور.

وحاننسى بقى شكل الطابــور؟؟؛

وألا حاتيجى تشييلنا همك؟؟

يلا بقى زهقنا إنتظار؛

يلا بقى جوانا نار؛

يلا تعالى خدلنا التار؛

من اللى ضيع عمرنا..

ويتم أختك وأخوك..

ورمل أمك.

عايزين بكره يبقى جميل؛

لافى حزن ولا معنى ويل؛

يطلع نهارنا وننسى ليل؛

كفايه بقا ..

هو إحنا مش بنهمك؟؟!!

أبوحمزه

007