.jpg)
إسكندرية
ياعشقى العجيب اللى كله ود
أحبها وأناديها وديما عى ندايا ترد
بحرها لون عيونى بالزرقة
وجوها نسا قلبى النار والحرقة
بحبها بألف طريقة وطريقة
وأهلها فى القلب من يوم الخليقة
بحبك يابنت إسكندر
وفى هواكى عاشق أنا ومتغندر
كل ماجيكى مش عايز أسيبك
كأنك حبيبتى وأنا فى هويتى حبيبك
ياأم الشط فيروز وأصداف
خدينى فوق موجك وقوليلى لاتخاف
فى حضنك الحنان دافى ومتصابى
وفى غير شوارعك مابحس ولا لحظة بشبابى
مش إسكندرانى أنا
لكن الجنسية خدتها من أربعين سنة
يوم مااتولدت أبويا رمانى فى بحرها
ومن يومها حاسس إنهاأمى وأنا إبنها
ياإسكندرية يامارية المينا
لولا هواكى قى قلوبنا لاروحنا ولا جينا
أبوحمـــــــزه
007
ليست هناك تعليقات:
إرسال تعليق