مكالمة حبيبتى

مكالمة حبيبتى

لما أصحا من النوم..

ودنى تدور على صوتك.

وأستنى منك رنه..

وكتيربستنه..

ويطول سكوتك.

ولما ترنى عليه ..

قلبى يزقنى؛

قوم يابليه.. 

الحلوةبتبحبنى.

ولما أسمع منك كلمة..

((ياقلبى انت فينك؟؟))

يرد قلبى من الفرحة.

يازين إنتى,, إللى وينك؟.

حبيبى صوته..

شدو كروان؛

لما أسمعه فى الصبح..

أحس إنى صحيح إنسان.

ولما يطول الكلام..

بين إشتياق وملام..

أعرف إن المولى سبحانه..

على مش غضبان.

ده هديته.. 

على غيار الريق..

صوت الحبيبه..

نغم من غير تزاويق.

وكل ما تيجى ..

تنهى المكالمة؛

أقولها إستنى خليكى؛

النغمة لسه مش تامة.

إشجينى أكتر؛

حتى ولو بالسكوت؛

أنا لولا صوتك وهمسك..

كانت حياتى موت.

مش عارف أشبع..

من نبضها بيهزنى؛

كأنها ماسكه فىَّ؛

وبأوتارها بتشدنى.

أنا إللى حاقولك: 

ننهى الكلام؛

عشان أقوم أجيلك؛

وعلى عينى ..

بقولك سلام.

أبوحمـــــــــــــــزه

007