:(( صـــــــندوق وعلــــــــم وجنـــــــــازة )):

:((((((( صـــــــــــــــــــندوق وعلــــــــــــــــــم وجنــــــــــــــازة ))))))): 

جهزت شنطة السفر؛

ونويت أصيف مع الولاد..

وكنت واخد..

إجـــــــــــــــــــــــــــــــــــــــــــــــازة.

وافقولى عليها بعد طلوع الروح..

وكأنى طالب إيد بنت الوزير ..

لجــــــــــــــــــــــــــــــــــــــــوازة!!

وقلت للولاد بكره الصبح السفر..

نروح على المصيف نشم نفسنا..

ونشرب من السائع كام ..

إيـــــــــــــــــــــــــــــــــــــزازة.

قالولى يابابا أكيد السفر!!

والا مقلب زى كل مرة؟؟

تطلعلك مهمة تعكنن مزاجنا..

وتضيع من بوقنا..

اللـــــــــــــــــــــــــذاذة؟؟؟

قلت ياولاد الايه..

بطلوا تشتغلوا ابوكم..

المرة دى ..أجازة يعنى..

أجــــــــــــــــــــــــــــــــــازة.

وركبنا العربية الصبح؛

وطيران على الساحل؛

والعيال بتغنى وبتقول.:

أخيرا بابا معانا فى ..

أجــــــــــــــــــــــــــــــــازة.

وقبل مانوصل للشاليه.

تليفون رخم..

إرجع يابيه..

إتلغت..

الاجــــــــــــــــــــــــــــازة.

وصلت الولاد..

الشاليه وقلت :

يوم..

وراجع نكمل..

الاجــــــــــــــــــــــــــــازة.

معلش ياولاد.. 

)):

مأمورية صغننة..

أخلصاها وارجعلكم؛

وحاعوضهالكم..

برحلة بحرية ولعب ..

وكام شقلباظـــــــــــــــــــــة.

روحت المأمورية؛

وكانت ضبطية شوية بلطجية..

بيهربوا المخدرات..

بين لعب الاطفال..

وكاتبين على الصنف..

بـــــــــــــــــــــــــــــــــزازة.

وفى أخر المأمورية..

طلقة طايشة..

رست فى قلبى انا؛

وماشوفتش بعدها..

غير ..

((الـــــــــــــــــــــــولاد))

)): 

مستنيين.. 

ابـــــــــــــــــــــــــــوهم

يكمل وياهم ..

الاجـــــــــــــــــــــــــــــــــازة.

لكن نصيبهم انى ارجع 

لـــــــــــــــــهم

محطوط فــــــــى

[صــــــــــــــــــــــــــــــــــــــــــــــــــــــــــــــــــــندوق]

وملفوف..بــ 

[عــــــــــــــــــــــــــــــــــــــــــــــــــــــــــــــــــــــــــــلم]

ومزفوف فـــى..

[جنـــــــــــــــــــــــــــــــــــــــــــــــــــــــــــــــــــــــازة].

ابــوحمـــــــــــــــــــــــــــــــزه

007