الخميس، 20 يونيو 2013

مصريين أحرار



 مصريين أحرار


وإبتدا قدام عيونى المشوار.

وشايف طفل بيحبى..

رايح ياخدلابوه التار.

طفل خرج للنور..

لقى أبوه المنصور..

مقتول بإيدين غدار.

الغادرين ..

قتلوا أبوه عشان..

بيحمى الحما..

ودبحوه فى وسط النهار.

أيوه انا شامم ريحة..نار.

وسامع دبيب خطا..

مصريين ثوار.

مافيش ..

لا ضابط ولامجند..

لا جورج ولا محمد..

لاعلمانى ولا إخوانى..

لامحترم ولا نسوانى..

شايف مصريين أحرار.

اتفقنا إننا مش حانبيعها..

إننا كنا كسالا ونسينا ربيعها..

لكن يوم تلاتين ..

حانكون ناس تانين..

ونرفع راية الإنتصار.

وحدتنا هى اللى حاتقول..

مين الغبى ومين الفلول..

مين اللى باع ومين اللى خان..

ومين اللى دمه راح هدر..؟؟

ومين اللى لدمنا كان هو الهدار.؟!

أنا عارف إن لسه فى دم حاينسال..

لكن بلدنا تستحق عشانها تتهد الجبال..

دى مصر ياإخونا..

بلد الأصالة والشهامة والنضال؛

بلد العروبة ..

اللى هدت الهكسوس..

وشتتت التتار.

كلنا نازلين..

ومش متنازلين..

ياإحنا ومصرنا نسلخهم..

ونهدهم؛

ييبقا من حقهم ..

فى مصارينهم يعملونا..

ممبار.


أبوحمــــزه

007

MZ
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)